ആർ ശ്രീലേഖ രാജി പിൻവലിച്ചേക്കും; വാട്സ്ആപ്പ് ഗ്രൂപ്പിലെ മെസ്സേജ് ഡിലീറ്റ് ചെയ്തു

ആർ. ശ്രീലേഖ കൗൺസിലർ സ്ഥാനത്തുനിന്നുള്ള രാജി തീരുമാനം പിൻവലിച്ചേക്കുമെന്ന് സൂചന. വാട്സ്ആപ്പ് ഗ്രൂപ്പിൽ രാജി പ്രഖ്യാപിച്ചു പങ്കുവെച്ച സന്ദേശം ഇവർ ഡിലീറ്റ് ചെയ്തു. ബിജെപി നേതൃത്വത്തിന്റെ ശക്തമായ അനുനയ നീക്കങ്ങളെ തുടർന്നാണ് തീരുമാനത്തിൽ മാറ്റമെന്നാണ് വിവരം. നഗരസഭ സെക്രട്ടറിക്ക് ഔദ്യോഗികമായി രാജി സമർപ്പിക്കുന്നത് തടയാനാണ് ബിജെപി നേതൃത്വം നിലവിൽ ശ്രമിക്കുന്നത്. വിഷയത്തിൽ ആർ. ശ്രീലേഖ ഇതുവരെ മാധ്യമങ്ങളോട് പ്രതികരിച്ചിട്ടില്ല

Also Read ലൈഫ് പദ്ധതി തുടരും; ലക്ഷ്യം ഭവനരഹിതരില്ലാത്ത കേരളമെന്ന് മുഖ്യമന്ത്രി

നേരത്തെ മേയർക്ക് രാജി സമർപ്പിച്ചെങ്കിലും നഗരസഭ സെക്രട്ടറിക്ക് രാജി കത്ത് നൽകിയിരുന്നില്ല. സെപ്റ്റംബർ 30-നാണ് താൻ സ്വകാര്യ കാരണങ്ങളാൽ കൗൺസിലർ സ്ഥാനം രാജിവെക്കുന്നതായി വി.വി. രാജേഷിന് കത്ത് നൽകിയതെന്നും, അതിന്റെ പകർപ്പ് തിങ്കളാഴ്ച ജില്ലാ കളക്ടർക്ക് നൽകുമെന്നും ശാസ്തമംഗലം വാർഡ് ഗ്രൂപ്പിൽ രാവിലെ 11.52-ഓടെയാണ് അവർ സന്ദേശമയച്ചത്. പ്രദേശവാസികൾ നൽകിയ പിന്തുണക്ക് അഗാധമായ നന്ദി രേഖപ്പെടുത്തിക്കൊണ്ടായിരുന്നു സന്ദേശം.
സംസ്ഥാനത്തെ ആദ്യ വനിതാ ഐപിഎസ് ഓഫീസറായ ശ്രീലേഖ, പോലീസിൽ നിന്ന് ഡിജിപി റാങ്കിൽ വിരമിച്ച ശേഷമാണ് ബിജെപിയിൽ ചേർന്നത്. തുടർന്ന് ബിജെപി സംസ്ഥാന വൈസ് പ്രസിഡന്റായി നിയമിക്കപ്പെട്ടു. തദ്ദേശ തിരഞ്ഞെടുപ്പിൽ ശാസ്തമംഗലം വാർഡിൽ നിന്ന് വിജയിച്ച ഇവർക്കായി മേയർ പദവി നൽകാൻ പാർട്ടിയിലെ ഒരു വിഭാഗം താല്പര്യപ്പെട്ടിരുന്നുവെങ്കിലും കേന്ദ്ര നേതൃത്വത്തിന്റെ ഇടപെടലിൽ അത് നടന്നിരുന്നില്ല. അതിനുശേഷം വട്ടിയൂർക്കാവ് മണ്ഡലത്തിൽ നിന്ന് നിയമസഭയിലേക്ക് മത്സരിച്ചെങ്കിലും മൂന്നാം സ്ഥാനത്തേക്ക് പിന്തള്ളപ്പെടുകയായിരുന്നു.

You May Also Like രാസലഹരി പരിശോധന വൈകുന്നു; കെട്ടിക്കിടക്കുന്നത് രണ്ട് ലക്ഷം സാംപിൾ