കേരള പിഎസ്സിയിൽ ഭിന്നത രൂക്ഷം. പിഎസ്സി ചെയർമാനെതിരെ ഒരു വിഭാഗം കമ്മീഷന്‍ അംഗങ്ങള്‍ രംഗത്തെത്തി. ഇവർ മുഖ്യമന്ത്രി വി. ഡി. സതീശന് പരാതി നല്‍കി. ചെയർമാൻ്റെ വിശേഷാധികാരങ്ങൾ ദുരുപയോഗം ചെയ്ത് രണ്ട് പരീക്ഷകള്‍ അട്ടിമറിച്ചുവെന്നും ആരോപണം. നിലവിൽ കേസിലെ പ്രതിയായ അഡീഷണൽ സെക്രട്ടറി ഹരിയെ സെക്രട്ടറിയാക്കാമെന്ന് പ്രലോഭിപ്പിച്ചാണ് അട്ടിമറി നടത്തിയത്.
ഡിവൈഎസ്പി സ്പെഷ്യൽ റിക്രൂട്ട്മെൻ്റ്,അസിസ്റ്റന്റ് പ്രൊഫസർ ലോ കോളേജ് എന്നീ തസ്തികകളിലേക്കുള്ള എഴുത്തു പരീക്ഷയിലെ മാർക്കുകൾ ചെയർമാൻ മുൻകൂട്ടി മനസ്സിലാക്കി. കെഎ.എസ് പരീക്ഷയിലടക്കം എഴുത്തു പരീക്ഷ മാർക്കുകൾ ചെയർമാൻ മുൻകൂട്ടി അറിഞ്ഞു. ഇതുൾപ്പടെ ചട്ടവിരുദ്ധമാണ്.
എഴുത്തു പരീക്ഷ മാർക്കുകൾ ചെയർമാന്റെ ചേമ്പറിൽ എത്തിച്ചത് അഡീഷണൽ സെക്രട്ടറി ഹരിയാണ്. അഭിമുഖ പരീക്ഷയ്ക്ക് ചെയർമാന്റെ ഇഷ്ടക്കാരെ ഇരുത്തിയെന്നും ആരോപണം. ഡിവൈഎസ്പി സ്പെഷ്യൽ റിക്രൂട്ട്മെൻ്റ് ഇൻറർവ്യൂ പിഎസ്സി യോഗത്തിൽ പോലും ചെയർമാൻ അറിയിച്ചില്ല. ചോദ്യപേപ്പർ തയ്യാറാക്കുന്നത് അടക്കമുള്ള കാര്യങ്ങൾക്കായി എക്സാമിനേഷൻ സബ്കമ്മിറ്റി ഉണ്ടായിരിക്കണമെന്ന് പിഎസ്സിയുടെ റൂൾസ് ഓഫ് പ്രൊസീജിയറിൽ കൃത്യമായി പറയുന്നുണ്ടെങ്കിലും അത് നിലവിലില്ല.
ചോദ്യകർത്താവിനെ രഹസ്യസ്വഭാവത്തോടെ നിശ്ചയിക്കുന്നതും ചെയര്‍മാനെന്നും ഒരു വിഭാഗം അംഗങ്ങൾ ആരോപിച്ചു. ഒരു പരീക്ഷക്ക് മൂന്ന് പേരിൽ നിന്ന് ചോദ്യപേപ്പർ രഹസ്യസ്വഭാവത്തോടെ വാങ്ങുന്ന രീതി ചെയർമാൻ അവസാനിപ്പിച്ചു. ഒന്നര മാസം മുമ്പാണ് ഒരു വിഭാഗം അംഗങ്ങൾ മുഖ്യമന്ത്രിക്ക് പരാതി നൽകിയത്.
Disclaimer:
“The images and content displayed on this website are used strictly for demo and illustrative purposes only. Some images and media may be sourced from external platforms such as Google Images, Instagram, Facebook, X (Twitter), and other publicly available internet sources. We do not claim ownership of third-party content unless explicitly stated.”
ഇവിടെ പോസ്റ്റ് ചെയ്യുന്ന അഭിപ്രായങ്ങൾ WiderStand Media യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നിയമപ്രകാരം വ്യക്തി, സമൂഹം, മതം, രാജ്യം എന്നിവയ്ക്കെതിരായ അധിക്ഷേപങ്ങളും അശ്ലീല പദപ്രയോഗങ്ങളും ശിക്ഷാർഹമായ കുറ്റമാണ്. ഇത്തരം അഭിപ്രായങ്ങൾക്കെതിരെ നിയമനടപടികൾ സ്വീകരിക്കുന്നതാണ്.
സംസ്ഥാനത്ത് നാളെ മുതല്‍ അതിശക്തമായ മഴയ്ക്ക് സാധ്യത
ബിജെപി കൗൺസിലർ സുഗതന് തിരിച്ചടി; ജാമ്യാപേക്ഷ കോടതി തള്ളി, റിമാൻഡിൽ തുടരും
