ഡൽഹിയിലെ പ്രതിഷേധം: മൊബൈൽ ഇന്റർനെറ്റ് സേവനങ്ങൾ റദ്ദാക്കിയതിനെ ന്യായീകരിച്ച് കേന്ദ്രം

ഡൽഹിയിലെ പ്രതിഷേധവുമായി ബന്ധപ്പെട്ട് ഒക്ടോബർ ഒമ്പത്, പത്ത് തീയതികളിൽ മൊബൈൽ ഇന്റർനെറ്റ് സേവനങ്ങൾ റദ്ദാക്കിയതിനെ ന്യായീകരിച്ച് കേന്ദ്രം. സാഹചര്യം കണക്കിലെടുക്കുമ്പോൾ ഇത് ആനുപാതികമായ നടപടിയായിരുന്നെന്ന് കേന്ദ്ര ആഭ്യന്തര സെക്രട്ടറി ഗോവിന്ദ് മോഹൻ സുപ്രിംകോടതിയിൽ സത്യവാങ്മൂലത്തിൽ പറഞ്ഞു.

Also Read അഞ്ചുമാസത്തിനിടെ നീക്കം ചെയ്തത് 1.95 ലക്ഷം പോസ്റ്റുകൾ; സോഷ്യൽ മീഡിയ നിയന്ത്രണങ്ങൾ കടുപ്പിച്ച് കേന്ദ്രം

തനിക്കെതിരായ കോടതിയലക്ഷ്യ നോട്ടിസ് പിൻവലിക്കണമെന്നും അദ്ദേഹം ആവശ്യപ്പെട്ടു. സുപ്രിംകോടതി നിർദേശങ്ങൾ മനഃപൂർവം ലംഘിച്ചെന്നാരോപിച്ച് അഭിഭാഷകൻ ശൈലേന്ദ്ര മണി ത്രിപാഠി നൽകിയ കോടതിയലക്ഷ്യ ഹർജിയിലാണ് സത്യവാങ്മൂലം.

സമാധാനവും പൊതുക്രമവും ഉറപ്പാക്കുന്നതിനും ക്രമസമാധാനപ്രശ്നങ്ങൾ ഒഴിവാക്കുന്നതിനുമുള്ള നടപടികളുടെ ഭാഗമായാണ് നിയന്ത്രണ ഉത്തരവ് പുറപ്പെടുവിച്ചത്.  ആവശ്യമായ അനുമതി നേടാതെ പ്രതിഷേധം നടത്താനുള്ള ഒരു സംഘടനയുടെ ആഹ്വാനവും അനുമതി നിഷേധിച്ചിട്ടും പ്രതിഷേധവുമായി മുന്നോട്ടുപോകാനുള്ള നീക്കവുമാണ് നടപടിക്ക് കാരണമായതെന്നും അദ്ദേഹം വ്യക്തമാക്കി.

You May Also Like രാജ്യത്ത് വാണിജ്യ എൽപിജി സിലിണ്ടറുകളുടെ വില കുറച്ചു