ചേരാനല്ലൂർ അപകടം: 17കാരൻ ഫ്ലാറ്റിൽ നിന്ന് കാറുമായി പോകുന്ന നിർണായക ദൃശ്യങ്ങൾ പുറത്ത്

ചേരാനല്ലൂര്‍ വാഹനാപകടത്തിൽ നിർണായക ദൃശ്യങ്ങൾ പുറത്ത്. 17 കാരൻ തന്റെ ആലുവയിലെ ഫ്ലാറ്റിൽ നിന്ന് കാറുമായി പോകുന്നതിന്റെ സിസിടിവി ദൃശ്യം പുറത്ത്. ഞായറാഴ്ച പുലർച്ചെ 1:36 നാണ് ഇയാൾ വാഹനവുമായി പുറത്തേയ്ക്ക് ഇറങ്ങുന്നത്. പുലർച്ചെ 2:20 ഓടെ അപകടം ഉണ്ടായെന്നാണ് എഫ്ഐത്തർ. കേസ് അന്വേഷണത്തിൽ ഈ ദൃശ്യങ്ങൾ പ്രധാന തെളിവായി മാറും. 44 മിനിറ്റ് വ്യത്യാസമാണ് ആലുവയിലെ ഫ്ലാറ്റിൽ നിന്നും അപകടം നടന്ന കണ്ടെയ്‌നർ റോഡിലേക്ക് എത്താനായി 17 കാരൻ എടുത്ത സമയം.

Also Read രാജ്യതലസ്ഥാനത്തെ ഞെട്ടിച്ച് വീണ്ടും ക്രൂരമായ കൂട്ടബലാത്സംഗ കൊലപാതകം; ഇരയുടെ മൃതദേഹം നായ ഭക്ഷിച്ചു

കേസിൽ ഗുരുതരവീഴ്ച സംഭവിച്ചുവെന്ന് ആഭ്യന്തര മന്ത്രി കൂടി ആരോപണം ഉയർത്തിയതിന് പിന്നാലെ എഡിജിപി പി വിജയൻ മരിച്ച ജയബാലകൃഷ്ണന്റെ വീട്ടിൽ നേരിട്ടെത്തുകയും കുടുംബാംഗങ്ങൾക്ക് പറയാനുള്ളത് കേൾക്കുകയും ചെയ്തിരുന്നു.

അതേസമയം, 17 കാരന്റെ ജാമ്യം റദ്ദാക്കാനാണ് പൊലീസ് നീക്കം. നരഹത്യ കുറ്റം ചുമത്തി കസ്റ്റഡിയിൽ എടുത്തതിന് പിന്നാലെ ഇയാൾക്ക് ജൂവനൈൽ ജസ്റ്റിസ് ബോർഡ് ജാമ്യം അനുവദിച്ചിരുന്നു. ഇതിനെതിരെയാണ് ചേരാനല്ലൂർ പൊലീസ് എറണാകുളം സെഷൻസ് കോടതിയിൽ അപേക്ഷ നൽകിയത്. ജഡ്ജിയുടെ മകനെ ജാമ്യത്തിൽ വിട്ടയച്ചത് സമൂഹത്തിന് തെറ്റായ സന്ദേശം നൽകുമെന്നാണ് പൊലീസ് വാദം.

You May Also Like യുവാവ് രക്തം വാർന്ന് മരിച്ച നിലയിൽ; കൊലപാതകമെന്ന് സംശയം

ഇന്നലെ കേസിൽ പ്രതി ചേർത്തതിന് പിന്നാലെ 17 കാരന്റെ പിതാവായ ജഡ്ജിയെ കമ്പനിപ്പടിയിലെ ഫ്ലാറ്റിൽ എത്തി പൊലീസ് വിവരങ്ങൾ തേടി . തന്റെ അറിവോടെയല്ല മകൻ വാഹനം ഓടിച്ചതെന്നാണ് ജഡ്ജിയുടെ നിലപാട്. എന്നാൽ കോടതിയുടെ അനുമതി ഇല്ലാതെ തന്റെ മൊഴി ഔദ്യോഗികമായി രേഖപ്പെടുത്താൻ കഴിയില്ല എന്നും ജഡ്ജി പൊലീസിനോട് പറഞ്ഞു . ഇതിന്റെ അടിസ്ഥാനത്തിൽ അനുമതി വാങ്ങിയ ശേഷം ജഡ്ജിയെ സ്റ്റേഷനിലേക്ക് വിളിച്ചുവരുത്തി വിശദമായ മൊഴി രേഖപ്പെടുത്തും. ഔദ്യോഗിക കാര്യത്തിനല്ലാതെ ജഡ്ജി പൊലീസ് സ്റ്റേഷനിൽ എത്തിയത് ജുഡീഷ്യറിക്ക് അവമതിപ്പുണ്ടാക്കിയെന്നാണ് റിപ്പോർട്ട്‌. ചീഫ് ജസ്റ്റിസ് അടങ്ങുന്ന ഹൈക്കോടതി അച്ചടക്ക സമിതി റിപ്പോർട്ട് പരിശോധിച്ച ശേഷം അഡീഷണൽ സെക്ഷൻസ് ജഡ്ജിക്കെതിരെ നടപടിയെടുക്കും.