സിഎംആര്എല്-എക്സാലോജിക് സാമ്പത്തിക ഇടപാട് കേസില് വാര്ത്താക്കുറിപ്പ് ഇറക്കിയത് സ്വാഭാവിക നടപടിയെന്ന് ഇ ഡി. റെയ്ഡിന് പിന്നാലെ വാര്ത്താക്കുറിപ്പ് ഇറക്കുന്നത് അസാധാരണമല്ലെന്നും ഇ ഡിയുടെ വിശദീകരണം. അനധികൃത പണമിടപാടുകളില് വീണ ടിക്കെതിരെ കൃത്യമായ തെളിവുകളുണ്ടെന്നും ഇതിന്റെ അടിസ്ഥാനത്തിലാണ് വാര്ത്താക്കുറിപ്പില് പരാമര്ശങ്ങള് നടത്തിയതെന്നും ഇ ഡി വ്യക്തമാക്കി.
ടി ജി മോഹന്ദാസിന്റെ അറസ്റ്റ് രേഖപ്പെടുത്തി; ഇന്ന് കോടതിയില് ഹാജരാക്കും
കേസില് കുടൂതല് ചോദ്യം ചെയ്യലുകള് ഉടന് നടക്കുമെന്നും ഇ ഡി പറഞ്ഞു. വീണക്കെതിരെ വാര്ത്താക്കുറിപ്പ് ഇറക്കിയത് അസാധാരണ നടപടി ആണെന്ന് പ്രതിപക്ഷ നേതാവ് പിണറായി വിജയന് പ്രതികരിച്ചിരുന്നു. ഇതിന് പിന്നാലെയാണ് വാര്ത്താക്കുറിപ്പില് ഇ ഡിയുടെ വിശദീകരണം.
സിഎംആർഎൽ-എക്സാലോജിക് കേസിൽ വീണ ടിക്കെതിരെ അതീവ ഗുരുതരമായ കണ്ടെത്തെലുകൾ നടത്തിയതായി എൻഫോഴ്സ്മെന്റ് ഡയറക്റേറ്റ് വാർത്താക്കുറിപ്പിലൂടെ അറിയിച്ചിരുന്നു. കേസുമായി ബന്ധപ്പെട്ട് വീണ വിദേശത്തേക്ക് പണം അയച്ചതിന്റെ തെളിവുകൾ ലഭിച്ചതായാണ് ഇഡി പുറത്തിറക്കിയ ഔദ്യോഗിക വാർത്താക്കുറിപ്പിൽ വ്യക്തമാക്കിയത്.
പിഎം ശ്രീയുമായി യുഡിഎഫ് മുന്നോട്ട്; പിൻമാറ്റം സാധ്യമല്ലെന്നും വിശദീകരണം
ഇതേ തുടർന്ന് കേസില് വീണ ടിയെ ചോദ്യം ചെയ്യാന് ഒരുങ്ങുകയാണ് അന്വേഷണ സംഘം. ഹാജാരാകാന് ആവശ്യപ്പെട്ട് സമന്സ് അയക്കാനാണ് തീരുമാനം. സിഎംആര്എല്-എക്സാലോജിക് സാമ്പത്തിക ഇടപാടി കേസിലെ പുതിയ കണ്ടെത്തലുകളുണ്ടെ അടിസ്ഥാനത്തിലാണ് നീക്കം. ഇതിന്റെ അടിസ്ഥാനത്തില് വീണയ്ക്കെതിരെ പുതിയ കേസ് രജിസ്റ്റര് ചെയ്യാനും തീരുമാനമുണ്ട്.
