നിയമസഭാ തെരഞ്ഞെടുപ്പിനു മുന്നോടിയായി ഉയർന്നുവന്ന പയ്യന്നൂർ രക്തസാക്ഷി ഫണ്ട് തട്ടിപ്പ് ആരോപണം നിയമ പോരാട്ടത്തിലേക്ക്. പയ്യന്നൂർ എം.എൽ.എ വി. കുഞ്ഞികൃഷ്ണനെതിരേ മുൻ എം.എൽ.എ ടി.ഐ മധുസൂദനൻ വക്കീൽ നോട്ടിസ് അയച്ചു. ഫണ്ട് തിരിമറി ആരോപണങ്ങൾ അടിസ്ഥാനരഹിതമാണെന്നും മാനഹാനിക്ക് നഷ്ടപരിഹാരം വേണമെന്നുമാണ് നോട്ടിസിലെ ആവശ്യം.
വിവാദ വിഷയങ്ങളിൽ ഭരണ-പ്രതിപക്ഷ പോരാട്ടം; നിയമസഭാ സമ്മേളനം ഇന്ന് പുനരാരംഭിക്കും; ‘വീര്യം കുറഞ്ഞ മദ്യവും’ ‘പി.എം ശ്രീ’യും സഭയെ ചൂടുപിടിപ്പിക്കും
താൻ ഒറ്റയ്ക്ക് ഫണ്ട് പിരിച്ചെന്ന വാദം കള്ളമാണെന്നും നോട്ടിസിൽ വ്യക്തമാക്കുന്നു. രക്തസാക്ഷി ഫണ്ടിന്റെ വരവ്-ചെലവ് കണക്കുകളും ബാങ്ക് അക്കൗണ്ട് വിവരങ്ങളും നോട്ടിസിനൊപ്പം വെളിപ്പെടുത്തിയിട്ടുണ്ട്. വി. കുഞ്ഞികൃഷ്ണൻ രചിച്ച ‘നേതൃത്വത്തെ അണികൾ തിരുത്തണം’ എന്ന പുസ്തകം പിൻവലിച്ച് പരസ്യമായി മാപ്പ് പറയണമെന്നും നോട്ടിസിൽ ആവശ്യപ്പെടുന്നു.
അതേസമയം, ഉന്നയിച്ച ആരോപണങ്ങൾ വസ്തുതാപരമാണെന്നും അവയിൽ ഉറച്ചുനിൽക്കുന്നുവെന്നും പുസ്തകം പിൻവലിക്കില്ലെന്നും വി. കുഞ്ഞികൃഷ്ണൻ എം.എൽ.എ പറഞ്ഞു
വിവാഹശേഷം ഭർത്താവിനെ മാതാപിതാക്കളിൽ നിന്ന് അകറ്റുന്നത് ക്രൂരതയെന്ന് ഹൈക്കോടതി
