കെ.എസ്.ആർ.ടി.സി സൗജന്യ യാത്ര ഹൗസ്ഫുൾ; ആദ്യദിനം 13.29 ലക്ഷം സ്ത്രീ യാത്രികർ; പുരുഷന്മാർ കുറഞ്ഞു, വരുമാനത്തിൽ കോടികളുടെ നഷ്ടം

സംസ്ഥാന സർക്കാരിന്റെ കെ.എസ്.ആർ.ടി.സി സൗജന്യ യാത്രാ പദ്ധതിയുടെ ആദ്യദിനം കെ.എസ്.ആർ.ടി.സി ബസുകളിൽ സ്ത്രീകളുടെ വൻ തിരക്ക്. മുൻ ദിവസങ്ങളെ അപേക്ഷിച്ച് 5.95 ലക്ഷം സ്ത്രീ യാത്രികരാണ് ഇന്നലെ അധികമായി കെ.എസ്.ആർ.ടി.സി ബസുകളെ ആശ്രയിച്ചത്. ഇതോടെ ആദ്യദിനം സൗജന്യ യാത്ര ആനുകൂല്യം പ്രയോജനപ്പെടുത്തിയ ആകെ സ്ത്രീകളുടെ എണ്ണം 13.29 ലക്ഷമായി ഉയർന്നു.

Also Read റഹീം മോചന ഫണ്ട്: ബാക്കിയുള്ളത് 12.83 കോടി രൂപ; ആദായനികുതി നടപടികൾക്ക് ശേഷം മറ്റ് ജീവകാരുണ്യ പ്രവർത്തനങ്ങൾക്ക് വിനിയോഗിക്കുമെന്ന് സമിതി

​അതേസമയം, ബസുകളിൽ സ്ത്രീകളുടെ തിരക്ക് വർദ്ധിച്ചതോടെ പുരുഷ യാത്രക്കാരുടെ എണ്ണത്തിൽ കുത്തനെ കുറവുണ്ടായി. തിരക്ക് കാരണം പല റൂട്ടുകളിലും പുരുഷന്മാർക്ക് ബസുകളിൽ കയറാൻ കഴിയാത്ത സാഹചര്യവുമുണ്ടായി.

​യാത്രക്കാരുടെ എണ്ണത്തിൽ വൻ വർദ്ധനവുണ്ടായെങ്കിലും സൗജന്യ പദ്ധതിയായതിനാൽ കെ.എസ്.ആർ.ടി.സിയുടെ പ്രതിദിന വരുമാനത്തെ ഇത് ദോഷകരമായി ബാധിച്ചു. ആദ്യദിനം മാത്രം കോടിയിലേറെ രൂപയുടെ വരുമാന നഷ്ടമാണ് കെ.എസ്.ആർ.ടി.സിക്ക് രേഖപ്പെടുത്തിയത്. വരും ദിവസങ്ങളിലും തിരക്ക് തുടരുകയാണെങ്കിൽ പുരുഷന്മാരുടെ യാത്രാക്ലേശം പരിഹരിക്കാൻ കൂടുതൽ സർവീസുകൾ ഏർപ്പെടുത്തേണ്ടി വരും

You May Also Like രക്ഷാപ്രവർത്തന കേസ്: എംആർ അജിത്കുമാറിന് സസ്പെൻഷൻ