പാർട്ടിയിലെ പീഡന പരാതികൾ കൈകാര്യം ചെയ്യാൻ ഐസിസി രൂപീകരിക്കാൻ സിപിഎം. കേന്ദ്ര കമ്മിറ്റിയാണ് പീഡന പരാതികൾ അന്വേഷിക്കാൻ ഐസിസി രൂപീകരിക്കാൻ നിർദ്ദേശിച്ചത്. പരാതികൾ പാർട്ടി കമ്മിറ്റികൾ കൈകാര്യം ചെയ്യുന്ന രീതി അവസാനിപ്പിക്കും. ഐസിസിയുടെ തീരുമാനം അന്തിമമായിരിക്കും. പാർട്ടി കമ്മിറ്റികൾക്ക് മാറ്റം വരുത്താനാകില്ല. കേന്ദ്ര കമ്മിറ്റി തീരുമാനം സംസ്ഥാന സമിതിയിൽ റിപ്പോർട്ട് ചെയ്തു.
ബന്ധപ്പെട്ട ഘടകങ്ങളിലെ ഐസിസിയാകും പരാതികളിൽ അന്വേഷണം നടത്തി തീരുമാനം എടുക്കുക. തീരുമാനത്തിന് എതിരെ അപ്പീൽ ഉണ്ടെങ്കിൽ മേൽക്കമ്മിറ്റിയിലെ ഐസിസി പരിഗണിക്കും. ഐസിസി പാർട്ടി ഘടകങ്ങളിൽ അവശ്യ സംവിധാനമായി മാറ്റണമെന്നാണ് കേന്ദ്ര കമ്മിറ്റി നിർദേശിക്കുന്നത്. ലിംഗസമത്വത്തിലൂന്നിയ പുരോഗമനം പ്രകടിപ്പിക്കുന്ന പാർട്ടിയെന്ന നിലയിലാണ് ഐസിസി രൂപീകരിക്കാനുള്ള നിർണായക തീരുമാനം കേന്ദ്ര കമ്മിറ്റി കൈകൊണ്ടത്.
കേവലം പാർട്ടി നേതാക്കന്മാർ മാത്രമായിരിക്കില്ല ഐസിസിയിൽ ഉണ്ടാവുക. അഭിഭാഷകർ ഉൾപ്പെടെയുള്ളവർ ഐസിസിയുടെ ഭാഗമാകും. അതിനിടെ രാഷ്ട്രീയ സംഘടനാ പ്രവർത്തനത്തിന് കലണ്ടർ തയാറാക്കാൻ സിപിഐഎം തീരുമാനിച്ചിരുന്നു. ഇന്ന് സമാപിക്കുന്ന പാർട്ടി സംസ്ഥാന സമിതി, ഭാവി പ്രവർത്തനങ്ങൾക്കുളള കലണ്ടറിന് അന്തിമ രൂപം നൽകും. ഒരു വർഷം നീളുന്ന രാഷ്ട്രീയ – സംഘടനാ പരിപാടികളാണ് കലണ്ടറിന്റെ ഉളളടക്കം. പാർട്ടിയുടെ വിവിധ തലങ്ങളിലുളള കമ്മിറ്റികൾ, രാഷ്ട്രീയ സെമിനാറുകൾ ബഹുജന സംഘടനാ യോഗങ്ങൾ ഇക്കാലയളവിൽ സംഘടിപ്പിക്കും. പാർട്ടിയെ സംഘടനാപരമായും രാഷ്ട്രീയമായും ശക്തിപ്പെടുത്തുകയാണ് ലക്ഷ്യം.
Disclaimer:
“The images and content displayed on this website are used strictly for demo and illustrative purposes only. Some images and media may be sourced from external platforms such as Google Images, Instagram, Facebook, X (Twitter), and other publicly available internet sources. We do not claim ownership of third-party content unless explicitly stated.”
ഇവിടെ പോസ്റ്റ് ചെയ്യുന്ന അഭിപ്രായങ്ങൾ WiderStand Media യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നിയമപ്രകാരം വ്യക്തി, സമൂഹം, മതം, രാജ്യം എന്നിവയ്ക്കെതിരായ അധിക്ഷേപങ്ങളും അശ്ലീല പദപ്രയോഗങ്ങളും ശിക്ഷാർഹമായ കുറ്റമാണ്. ഇത്തരം അഭിപ്രായങ്ങൾക്കെതിരെ നിയമനടപടികൾ സ്വീകരിക്കുന്നതാണ്.
തന്ത്രപ്രധാന മേഖലയിൽ റെയിൽ പാത; ഇന്ത്യ – ചൈന – ഭൂട്ടാൻ അതിർത്തിയിൽ 272 കോടി രൂപയുടെ പദ്ധതി
ആർഎസ്എസിനെ ‘ലക്ഷ്യം’ വച്ചുള്ള ബില്ലുമായി കർണാടക; അംഗീകാരം നൽകി മന്ത്രിസഭ
