Top Banner

വൈദ്യുതി വാങ്ങലിലെ തര്‍ക്കം മുറുകുന്നു; സംസ്ഥാനത്തിന് ലാഭം ഏത്?

സ്വകാര്യ കമ്പനിയായ ജി.എന്‍.എ എനര്‍ജിയില്‍ നിന്ന് 24 മണിക്കൂറും വൈദ്യുതി വാങ്ങാനുള്ള സംസ്ഥാന സര്‍ക്കാരിന്റെ തീരുമാനത്തിനെതിരേ കെ.എസ്.ഇ.ബിയിലെ ഒരുവിഭാഗം ഉദ്യോഗസ്ഥരും വൈദ്യുതി മേഖലയിലെ വിദഗ്ധരും രംഗത്ത്. ഹിമാചല്‍ പ്രദേശില്‍ നിന്നുള്ള വൈദ്യുതി കരാറാണ് സംസ്ഥാനത്തിന് അനുയോജ്യമെന്ന കെ.എസ്.ഇ.ബിയുടെ റിപ്പോര്‍ട്ട് മറികടന്നാണ് സര്‍ക്കാര്‍ തീരുമാനം.

ജി.എന്‍.എ കരാറിലൂടെ 2,000 കോടിയുടെ ലാഭമുണ്ടാകുമെന്നും ഹിമാചല്‍ കരാര്‍ 2,232 കോടി രൂപയുടെ അധിക ബാധ്യത വരുത്തുമെന്നുമാണ് മുഖ്യമന്ത്രി വി.ഡി സതീശന്റെ വാദം. എന്നാല്‍ ഹിമാചലിന്റെ ആകെ കരാര്‍ തുക 1,105 കോടിയായിരിക്കെ ഈ കണക്ക് തെറ്റാണെന്ന് വിദഗ്ധര്‍ ചൂണ്ടിക്കാട്ടുന്നു. ജി.എന്‍.എ നല്‍കുന്ന വൈദ്യുതിയുടെ നിരക്ക് കുറവാണെങ്കിലും അത് സംസ്ഥാനത്തിന് കൂടുതല്‍ സാമ്പത്തിക നഷ്ടം വരുത്തുമെന്നാണ് കെ.എസ്.ഇ.ബിയുടെ വിലയിരുത്തല്‍.

ഇലക്ട്രിസിറ്റി ആക്ടിലെ സെക്ഷന്‍ 62, 63 പ്രകാരം ടെന്‍ഡര്‍ നടപടികളില്ലാതെ റഗുലേറ്ററി കമ്മിഷന്‍ ഈ കരാറിന് അനുമതി നല്‍കില്ലെന്നും സൂചനയുണ്ട്. ടെന്‍ഡറില്ലാതെ കരാറില്‍ ഒപ്പിടാന്‍ മുന്‍ സി.എം.ഡി എം.ജി രാജമാണിക്യം തയാറാകാതിരുന്നതാണ് വിവാദങ്ങള്‍ക്ക് വഴിവച്ചത്. മുഖ്യമന്ത്രിയുടെ തീരുമാനമായതിനാല്‍ കൂടുതല്‍ പ്രതികരണത്തിനില്ലെന്നാണ് വൈദ്യുതി മന്ത്രി സണ്ണി ജോസഫിന്റെ നിലപാട്. നിയമ തടസങ്ങളും സാമ്പത്തിക ബാധ്യതയും നിലനില്‍ക്കെ സര്‍ക്കാര്‍ നീക്കം വരുംദിവസങ്ങളിലും വലിയ ചര്‍ച്ചകള്‍ക്ക് വഴിവയ്ക്കും.

ജി.എന്‍.എ കമ്പനിയില്‍ നിന്ന് 24 മണിക്കൂറും വൈദ്യുതി വാങ്ങാനുള്ള തീരുമാനം വൈദ്യുതി മന്ത്രി സണ്ണി ജോസഫിന്റെയും കെ.എസ്.ഇ.ബി ചെയര്‍മാന്റെയും വിയോജിപ്പ് അവഗണിച്ചാണെന്ന് തെളിയിക്കുന്ന രേഖകള്‍ പുറത്ത്.

2026 നവംബര്‍ മുതല്‍ 2027 മാര്‍ച്ച് വരെ ഹിമാചലില്‍ നിന്ന് പീക്ക് സമയത്തേക്ക് മാത്രം വൈദ്യുതി വാങ്ങിയാല്‍ 1,281 കോടി രൂപ മതിയാകും. എന്നാല്‍ ജി.എന്‍.എ വഴി 24 മണിക്കൂറും യൂനിറ്റിന് 8.69 രൂപ നിരക്കില്‍ വാങ്ങുമ്പോള്‍ ചെലവ് 2,000 കോടി കടക്കും. ഇതുവഴി 726.74 കോടിയുടെ അധിക നഷ്ടമുണ്ടാകുമെന്ന് ഒക്ടോബര്‍ 19ന് വൈദ്യുതി മന്ത്രി മുഖ്യമന്ത്രിക്ക് നല്‍കിയ കത്തില്‍ വ്യക്തമാക്കിയിരുന്നു.

Disclaimer: “The images and content displayed on this website are used strictly for demo and illustrative purposes only. Some images and media may be sourced from external platforms such as Google Images, Instagram, Facebook, X (Twitter), and other publicly available internet sources. We do not claim ownership of third-party content unless explicitly stated.”

ഇവിടെ പോസ്റ്റ് ചെയ്യുന്ന അഭിപ്രായങ്ങൾ WiderStand Media യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നിയമപ്രകാരം വ്യക്തി, സമൂഹം, മതം, രാജ്യം എന്നിവയ്ക്കെതിരായ അധിക്ഷേപങ്ങളും അശ്ലീല പദപ്രയോഗങ്ങളും ശിക്ഷാർഹമായ കുറ്റമാണ്. ഇത്തരം അഭിപ്രായങ്ങൾക്കെതിരെ നിയമനടപടികൾ സ്വീകരിക്കുന്നതാണ്.