നെഹ്രുവിനെ മറികടന്ന് മോദി; ഇനി മുന്നിലുള്ളത് ഇന്ദിര

സ്വതന്ത്ര ഇന്ത്യയുടെ ചരിത്രത്തിൽ ഏറ്റവും കൂടുതൽ കാലം തുടർച്ചയായി രാജ്യം ഭരിച്ച തിരഞ്ഞെടുക്കപ്പെട്ട പ്രധാനമന്ത്രിയെന്ന ചരിത്ര റെക്കോർഡ് ഇനി നരേന്ദ്ര മോദിക്ക് സ്വന്തം. ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്റുവിന്റെ ആറ് പതിറ്റാണ്ടിലേറെക്കാലം തകരാതെ നിന്ന റെക്കോർഡാണ് നരേന്ദ്ര മോദി മറികടന്നത്.

Also Read സംസ്ഥാനത്ത് ഇന്നും ശക്തമായ മഴയ്ക്ക് സാധ്യത; 5 ജില്ലകളിൽ യെല്ലോ അലർട്ട്

​2014 മേയ് 26-നാണ് നരേന്ദ്ര മോദി ആദ്യമായി ഇന്ത്യയുടെ പ്രധാനമന്ത്രിയായി സത്യപ്രതിജ്ഞ ചെയ്യുന്നത്. ജൂൺ 10 തികയുന്നതോടെ അദ്ദേഹം തുടർച്ചയായി 4,399 ദിവസങ്ങൾ ഭരണത്തിൽ പൂർത്തിയാക്കി.

​ഇന്ത്യയിലെ ആദ്യ പൊതുതിരഞ്ഞെടുപ്പിന് ശേഷം 1952 മേയ് 13-ന് സത്യപ്രതിജ്ഞ ചെയ്ത്, 1964 മേയ് 27-ൽ അന്തരിക്കുന്നത് വരെ തുടർച്ചയായി 4,398 ദിവസങ്ങൾ പ്രധാനമന്ത്രി പദവിയിലിരുന്ന ജവഹർലാൽ നെഹ്‌റുവിന്റെ റെക്കോർഡാണ് ഇതോടെ പഴങ്കഥയായത്. മുൻ പ്രധാനമന്ത്രി ഇന്ദിരാഗാന്ധിയുടെ ഏറ്റവും ദൈർഘ്യമേറിയ തടസ്സമില്ലാത്ത ഭരണകാലയളവും (4,077 ദിവസങ്ങൾ) മോദി നേരത്തെ മറികടന്നിരുന്നു.

You May Also Like നീറ്റ് പരീക്ഷ ഇനി ഓൺലൈനിൽ? അടുത്ത വർഷം മുതൽ മാറ്റമെന്ന് ധർമേന്ദ്ര പ്രധാൻ

​കോൺഗ്രസ് ഇതര പാർട്ടിയിൽ നിന്ന് തുടർച്ചയായി ഭരണം നയിക്കുന്ന നരേന്ദ്ര മോദി, നെഹ്റുവിന് ശേഷം ഭരണത്തിലിരുന്ന് തുടർച്ചയായി മൂന്ന് ലോക്‌സഭാ തിരഞ്ഞെടുപ്പുകൾ വിജയിക്കുന്ന ആദ്യ നേതാവ് കൂടിയാണ്.

അ​​​തേ​​​സ​​​മ​​​യം, ഏ​​​റ്റ​​​വും കൂ​​​ടു​​​ത​​​ൽ കാ​​​ലം പ്ര​​​ധാ​​​ന​​​മ​​​ന്ത്രി​​​യാ​​​യി പ്ര​​​വ​​​ർ​​​ത്തി​​​ച്ച​​​തി​​​ന്‍റെ റി​​​ക്കാ​​​ർ​​​ഡ് രാ​​​ജ്യ​​​ത്തി​​​ന്‍റെ ഏ​​​ക വ​​​നി​​​താ പ്ര​​​ധാ​​​ന​​​മ​​​ന്ത്രി​​​യാ​​​യ ഇ​​​ന്ദി​​​രാ​​​ഗാ​​​ന്ധി​​​യു​​​ടെ പേ​​​രി​​​ലാ​​​ണ്. 1984ൽ ​​​കൊ​​​ല്ല​​​പ്പെ​​​ടു​​​ന്ന​​​തു​​​വ​​​രെ 5829 ദി​​​വ​​​സ​​​മാ​​​ണ് പ്ര​​​ധാ​​​ന​​​മ​​​ന്ത്രി​​​യാ​​​യി ഇ​​​ന്ദി​​​ര തു​​​ട​​​ർ​​​ന്ന​​​ത്. 1966 മു​​​ത​​​ൽ 1977 വ​​​രെ 4,077 ദി​​​വ​​​സം ഇ​​​ന്ദി​​​ര തു​​​ട​​​ർ​​​ച്ച​​​യാ​​​യി പ്ര​​​ധാ​​​ന​​​മ​​​ന്ത്രി​​​യാ​​​യി​​​രു​​​ന്നു.