ചോദ്യപേപ്പർ ചോർച്ചാ വിഷയം ചർച്ച ചെയ്യുന്നതിനിടെ ഭരണ-പ്രതിപക്ഷ ബഹളത്തിൽ ലോക്സഭ സ്തംഭിച്ചു. ജന്തർ മന്തറിലെ വിദ്യാർഥി പ്രതിഷേധത്തെ പ്രതിപക്ഷ നേതാവ് രാഹുൽ ഗാന്ധി പിന്തുണച്ച് രംഗത്തെത്തി. രാജ്യത്തെ യുവാക്കളുടെ വികാരങ്ങളുടെ ശക്തമായ പ്രകടനമാണ് ഈ പ്രതിഷേധങ്ങളെന്നും, അത് വെറും ദേഷ്യമോ അക്രമമോ വിദ്വേഷമോ അല്ലെന്നും അദ്ദേഹം പറഞ്ഞു.
‘മന്ത്രിമാരുടെ വീട്ടിലെ വളർത്തുനായകൾക്ക് ഇതിലും സൗകര്യങ്ങൾ ഉണ്ട്’; മഹാരാഷ്ട്രയിലെ സ്കൂളുകളുടെ അവസ്ഥയിൽ സർക്കാരിനെതിരെ അഭിജിത് ദീപ്കെ
യുവാക്കളുടെ നേതൃത്വത്തിൽ നടക്കുന്ന സമരങ്ങൾ തനിക്ക് പ്രതീക്ഷയും ആത്മവിശ്വാസവും നൽകുന്നതാണെന്നും, ബിജെപി ഉൾപ്പെടെയുള്ള എല്ലാ രാഷ്ട്രീയ പാർട്ടികളും യുവജനങ്ങളുടെ ശബ്ദത്തെ ബഹുമാനിക്കണമെന്നും രാഹുൽ ആവശ്യപ്പെട്ടു. സ്വന്തം മക്കളോട് ഈ സമരങ്ങളെക്കുറിച്ച് സംസാരിച്ചാൽ പ്രതിഷേധിക്കുന്ന വിദ്യാർഥികളോട് സഹാനുഭൂതി തോന്നുമെന്ന് ബിജെപി നേതാക്കൾക്ക് മനസ്സിലാകുമെന്നും അദ്ദേഹം കൂട്ടിച്ചേർത്തു.
അതേസമയം, “വിഡ്ഢികൾ യുവജനതയെ കേൾക്കുന്നില്ല” എന്ന പരാമർശത്തെ തുടർന്ന് ഭരണപക്ഷം ശക്തമായ പ്രതിഷേധമുയർത്തി. എന്നാൽ, താൻ ആരെയും വിഡ്ഢിയെന്ന് വിളിച്ചിട്ടില്ലെന്നും, ഒരു വിദ്യാർഥിയുടെ വികാരമാണ് സഭയിൽ ഉദ്ധരിച്ചതെന്നും രാഹുൽ വിശദീകരിച്ചു. പാർലമെന്റിലെ ഒരു അംഗത്തെ ലക്ഷ്യമിട്ട് പറഞ്ഞാൽ മാത്രമേ അത് അൺപാർലമെന്ററി പരാമർശമാകൂ. താൻ ആ വാക്ക് ആർക്കെതിരെയും ഉപയോഗിച്ചിട്ടില്ലെന്നും, ബിജെപിക്ക് സംസാരിക്കണമെങ്കിൽ താൻ മിണ്ടാതിരിക്കാമെന്നും രാഹുൽ ഗാന്ധി പ്രതികരിച്ചു.
തിരഞ്ഞെടുപ്പ് കള്ളപ്പണക്കേസുകൾ: അന്വേഷണം ഒരു വർഷത്തിനകം പൂർത്തിയാക്കണമെന്ന് സുപ്രീംകോടതി
