രാത്രി ഉറങ്ങാൻ പോകുന്നതിന് മുൻപ് ഒരു ഗ്ലാസ് ചെറുചൂടുള്ള പാൽ കുടിക്കുന്നത് പലരുടെയും ശീലമാണ്. കുട്ടിക്കാലം മുതൽ അമ്മമാർ ശീലിപ്പിച്ച ഈ പതിവ്, തലമുറകളായി പല വീടുകളിലും ഇന്നും തുടരുന്നു. പാൽ കുടിക്കുന്നത് ശരീരത്തിന് ഉന്മേഷവും നല്ല ഉറക്കവും നൽകുമെന്നാണ് പൊതുവേയുള്ള വിശ്വാസം. എന്നാൽ, ശാസ്ത്രീയമായി നോക്കുമ്പോൾ രാത്രിയിലെ ഈ ശീലം ശരിക്കും ഗുണം ചെയ്യുമോ?
ചായയിൽ പഞ്ചസാര ഒഴിവാക്കിയാൽ പ്രമേഹം വരില്ലേ?
രാത്രി കുടിച്ചാൽ പാലിന്റെ ഗുണം കുറയുമോ?
രാത്രിയിൽ പാൽ കുടിച്ചാൽ അത് ദഹിക്കാൻ പ്രയാസമാണെന്നും അതിന്റെ പോഷകഗുണം കുറയുമെന്നും പലരും വിശ്വസിക്കുന്നുണ്ട്. എന്നാൽ ഇത് തെറ്റാണ്. പാൽ രാവിലെ കുടിച്ചാലും രാത്രി കുടിച്ചാലും അതിലടങ്ങിയിരിക്കുന്ന പോഷകങ്ങൾക്ക് യാതൊരു മാറ്റവും സംഭവിക്കുന്നില്ല. എല്ലുകളുടെ ആരോഗ്യത്തിന് കാൽസ്യം, പേശികൾക്ക് പ്രോട്ടീൻ, നാഡീവ്യൂഹത്തിന് മഗ്നീഷ്യം, കൂടാതെ അത്യാവശ്യ വൈറ്റമിനുകൾ എന്നിവയെല്ലാം ഏത് സമയത്ത് കുടിച്ചാലും ശരീരത്തിന് ലഭിക്കും. സമയം പാലിന്റെ ഗുണനിലവാരത്തെ ബാധിക്കുന്നില്ല.
പാലും ഉറക്കവും തമ്മിലുള്ള ശാസ്ത്രീയ ബന്ധം
രാത്രിയിൽ പാൽ കുടിക്കുന്നത് ഉറക്കം കൂട്ടാൻ സഹായിക്കുമെന്നതിന് പിന്നിൽ കൃത്യമായ ശാസ്ത്രീയ കാരണമുണ്ട്. പാലിൽ അടങ്ങിയിരിക്കുന്ന ‘ട്രിപ്റ്റോഫാൻ’ എന്ന അമിനോ ആസിഡ് ശരീരത്തിൽ ‘മെലാടോണിൻ’ എന്ന ഹോർമോണിന്റെ ഉത്പാദനത്തിന് സഹായിക്കുന്നു. ഈ ഹോർമോൺ ആണ് നമ്മുടെ ഉറക്കത്തെ നിയന്ത്രിക്കുന്നത്. കൂടാതെ, ചെറുചൂടുള്ള പാൽ കുടിക്കുന്നത് മാനസിക സമ്മർദം കുറയ്ക്കാനും ശരീരത്തിന് ഒരു ശാന്തത നൽകാനും സഹായിക്കും.
