സുരക്ഷിത കേരളം എന്ന സങ്കൽപ്പം വഴിമുട്ടുമ്പോൾ; വർധിക്കുന്ന കുറ്റകൃത്യങ്ങളും ലഹരി ഉപയോഗവും
മനുഷ്യരെ ഭാഷയുടെയോ വംശത്തിൻ്റെയോ അതിരുകളില്ലാതെ ഒന്നിപ്പിക്കാൻ കഴിയുന്ന ഒന്നാണ് കായികരംഗം. വ്യക്തിഗതമായ ആരോഗ്യത്തിനപ്പുറം, ലോകസമാധാനത്തിനും സുസ്ഥിര വികസനത്തിനും കായികവിനോദങ്ങൾ നൽകുന്ന പങ്ക് ചെറുതല്ല. ഈയൊരു പ്രാധാന്യം തിരിച്ചറിഞ്ഞാണ് ഐക്യരാഷ്ട്രസഭ ഏപ്രിൽ 6 അന്താരാഷ്ട്ര കായിക ദിനമായി പ്രഖ്യാപിച്ചത്. 1896ൽ ആധുനിക ഒളിമ്പിക്സ് ആരംഭിച്ച ദിവസത്തിൻ്റെ സ്മരണ പുതുക്കൽ കൂടിയാണ് ഈ ദിനം.
കായികം എന്നത് വെറുമൊരു വിനോദമോ ശാരീരിക വ്യായാമമോ മാത്രമല്ല. അത് ഒരു വലിയ സാമൂഹിക ആയുധമാണ്. സംഘർഷഭരിതമായ ലോകത്ത് രാജ്യങ്ങളെയും ജനങ്ങളെയും ഒരുമിപ്പിക്കാൻ കായിക മത്സരങ്ങൾക്ക് സാധിക്കുന്നു. യുദ്ധമുഖങ്ങളിൽ പോലും കായികം സമാധാനത്തിൻ്റെ പാലമായി മാറിയ ചരിത്രമുണ്ട്. തോൽവികളെ മാനിക്കാനും വിജയങ്ങളിൽ വിനയാന്വിതരാകാനും ഒരു കായിക രംഗം പഠിക്കുന്നു. ടീം വർക്ക്, ലക്ഷ്യബോധം, അച്ചടക്കം എന്നിവ വളർത്താൻ കായികരംഗം മികച്ച കളരിയാണ്. കളിത്തട്ടിൽ എല്ലാവരും തുല്യരാണ്. ലിംഗഭേദമോ സാമൂഹിക സാമ്പത്തിക പശ്ചാത്തലമോ അവിടെ തടസ്സമാകുന്നില്ല. സ്ത്രീ ശാക്തീകരണത്തിലും പാർശ്വവൽക്കരിക്കപ്പെട്ടവരുടെ മുന്നേറ്റത്തിലും കായികരംഗത്ത് വലിയ പങ്കുവഹിക്കുന്നു.
ഇൻഡക്ഷൻ കുക്കർ വാങ്ങാൻ പലിശരഹിത വായ്പ ; കേന്ദ്രത്തിൻ്റെ നീക്കം LPG ആശ്രിത്വം കുറച്ച് കുടുംബ ലഘൂകരിച്ച് കുറക്കുമോ
ഇന്നത്തെ കാലത്ത് കായികരംഗം വലിയ രീതിയിൽ വാണിജ്യവൽക്കരിക്കപ്പെട്ടിട്ടുണ്ട്. എങ്കിലും, താഴെത്തട്ടിലുള്ള കായിക പ്രതിഭകളെ വളർത്തിയെടുക്കുകയും സ്പോർട്സ് എല്ലാവർക്കും പ്രാപ്യമാക്കുകയും ചെയ്യുക എന്നത് ഏതൊരു സമൂഹത്തിൻ്റെയും കടമയാണ്. ലഹരി ഉപയോഗം പോലുള്ള തിന്മകളിൽ നിന്ന് യുവതലമുറയെ മോചിപ്പിക്കാൻ സ്പോർട്സിനെ ഒരു മികച്ച മറുമരുന്നായി ഉപയോഗിക്കാൻ നമുക്ക് സാധിക്കണം.
“ഒരു കരുത്തുറ്റ ശരീരത്തിലേ നല്ലൊരു മനസ്സ് ഉണ്ടാകൂ” എന്ന തത്വം നാം ഉൾക്കൊള്ളണം. കായിക ദിനം എന്നത് വർഷത്തിൽ ഒരിക്കൽ ആചരിക്കാനുള്ള ഒന്നല്ല, മറിച്ച് ആരോഗ്യവും സമാധാനവും നിറഞ്ഞ ഒരു ലോകത്തിനായി കായിക ജീവിതത്തിൻ്റെ ഭാഗമാകുമെന്ന് ഓരോ വ്യക്തിയും പ്രതിജ്ഞയെടുക്കണം ദിവസമാണ്. കളിക്കളങ്ങൾ സജീവമാകട്ടെ, അതിലൂടെ സമാധാനത്തിൻ്റെ സന്ദേശം ലോകമെമ്പാടും പടരട്ടെ.