ജന്തർ മന്തറിൽ സമരം നടത്തിയ വിദ്യാർഥികൾക്കെതിരെ വിദ്വേഷ പരാമർശം നടത്തിയ ആർഎസ്എസ് നേതാവ് ടി ജി മോഹൻദാസിന് ജാമ്യം. അന്വേഷണത്തിനായി ടിജി മോഹന്ദാസിനെ കസ്റ്റഡിയില് വേണമെന്നാണ് പ്രൊസിക്യൂഷന് വാദം കോടതി തള്ളി. ഉപാധികളോടെയാണ് തിരുവനന്തപുരം എസിജെഎം കോടതി ജാമ്യം അനുവധിച്ചിരിക്കുന്നത്. അന്വേഷണ ഉദ്യോഗസ്ഥർ ആവശ്യപ്പെട്ടാൽ ഹാജരാകണം. അടുത്ത മൂന്ന് ദിവസം അന്വേഷണവുമായി സഹകരിക്കണം എന്നും ഉപാധിയുണ്ട്.
ശബരിമല മിൽമ നെയ്യ് ക്രമക്കേടിൽ ദേവസ്വം വിജിലൻസ് അന്വേഷണം
അതേസമയം തെളിവ് ശേഖരണത്തിന് കസ്റ്റഡി അനിവാര്യമെന്ന് പൊലീസ് ആവശ്യപ്പെട്ടിരുന്നു. കസ്റ്റഡിയില് വെച്ചുള്ള ചോദ്യം ചെയ്യല് അനിവാര്യമെന്നും പൊലീസ് കോടതിയിൽ ആവശ്യപ്പെട്ടു.ഇന്നലെയാണ് കേസില് ടി ജി മോഹന്ദാസിനെ പൊലീസ് കസ്റ്റഡിയിലെടുത്തത്. എറണാകുളം മട്ടാഞ്ചേരിയിലെ വീട്ടില് റെയ്ഡ് നടത്തിയതിന് പിന്നാലെയാണ് മോഹന്ദാസിനെ കസ്റ്റഡിയില് എടുത്തത്. പിന്നാലെ ഇയാളെ തിരുവനന്തപുരത്തേയ്ക്ക് കൊണ്ടുപോകുകയായിരുന്നു. ടി ജി മോഹന്ദാസിന്റെ ഡിജിറ്റല് ഉപകരണങ്ങള് പൊലീസ് പിടിച്ചെടുത്തിട്ടുണ്ട്.
ഇന്നലെ വൈകിട്ട് അഞ്ച് മണിയോടെയായിരുന്നു തിരുവനന്തപുരത്ത് നിന്നുള്ള സൈബര് സെല് ഉദ്യോഗസ്ഥര് ടി ജി മോഹന്ദാസിന്റെ മട്ടാഞ്ചേരിയിലെ വീട്ടില് എത്തിയത്. കേസ് എടുത്ത് പതിനൊന്ന് ദിവസം കഴിഞ്ഞിട്ടും ടി ജി മോഹന്ദാസിനെ അറസ്റ്റ് ചെയ്യാത്തതില് വിമര്ശനം ഉയര്ന്നിരുന്നു. അര്ജുന് ആയങ്കിക്കെതിരായ പൊലീസ് നടപടികള്ക്കിടെ എന്തുകൊണ്ട് ടി ജി മോഹന്ദാസിനെ അറസ്റ്റ് ചെയ്യുന്നില്ലെന്ന ചോദ്യവും ഉയര്ന്നിരുന്നു. ഇതിന് പിന്നാലെയാണ് പൊലീസ് മോഹന്ദാസിന്റെ വീട്ടില് പരിശോധനയ്ക്ക് എത്തിയത്.
ശക്തമാക്കി ഓപ്പറേഷൻ ഗ്രിപ്പ്; 10519 സ്ഥിരം കുറ്റവാളികളെ കർശന നീരീക്ഷണത്തിലാക്കി
