പശ്ചിമ ബംഗാൾ രാഷ്ട്രീയത്തിൽ തൃണമൂൽ കോൺഗ്രസിനും മുഖ്യമന്ത്രി മമത ബാനർജിക്കും തലവേദനയായി മാറി മുൻ യുവജന നേതാവും നടിയുമായ സയോണി ഘോഷ്. ഒരിക്കൽ മമത ബാനർജിയെ രാജ്യത്തിന്റെ പ്രധാനമന്ത്രിയാക്കണമെന്ന് പരസ്യമായി ആഹ്വാനം ചെയ്ത് പാർട്ടിയുടെ മുൻനിരയിൽ നിന്ന സയോണി, ഇന്ന് തൃണമൂൽ കോൺഗ്രസിന്റെ ഏറ്റവും വലിയ വിമതശബ്ദമായി മാറിയിരിക്കുകയാണ്.
ദീദിയോട് ‘ബൈ ബൈ’; മമതയെ വെല്ലുവിളിച്ച് തൃണമൂൽ വിട്ടുപോകാൻ വിമതർ ഒരുങ്ങുന്നു
ബംഗാൾ സിനിമാ-സീരിയൽ രംഗത്തുനിന്ന് രാഷ്ട്രീയത്തിലെത്തിയ സയോണി ഘോഷ്, ചുരുങ്ങിയ കാലം കൊണ്ടാണ് തൃണമൂൽ കോൺഗ്രസിന്റെ യുവജന വിഭാഗം അധ്യക്ഷ പദവിയിലേക്ക് ഉയർന്നത്. മമതയുടെ വിശ്വസ്തയായി അറിയപ്പെട്ടിരുന്ന അവർ പാർട്ടിയുടെ വലിയൊരു യുവജന അടിത്തറ കെട്ടിപ്പടുക്കുന്നതിൽ പ്രധാന പങ്കുവഹിച്ചിരുന്നു. എന്നാൽ പാർട്ടി നേതൃത്വവുമായുള്ള ആഭ്യന്തര തർക്കങ്ങളും അഭിപ്രായവ്യത്യാസങ്ങളും ഒടുവിൽ അവരെ തൃണമൂലിന്റെ എതിർപക്ഷത്ത് എത്തിക്കുകയായിരുന്നു.
അഴിമതി ആരോപണങ്ങളും പാർട്ടിയിലെ ആഭ്യന്തര ജനാധിപത്യമില്ലായ്മയുമാണ് തന്നെ പാർട്ടിയിൽ നിന്ന് അകറ്റിയതെന്ന സൂചനകളാണ് സയോണിയുമായി അടുത്ത വൃത്തങ്ങൾ നൽകുന്നത്. ശക്തമായ അണബലമുള്ള സയോണി ഘോഷിന്റെ ഈ മാറ്റം വരാനിരിക്കുന്ന തിരഞ്ഞെടുപ്പുകളിൽ തൃണമൂൽ കോൺഗ്രസിന് കനത്ത രാഷ്ട്രീയ വെല്ലുവിളി ഉയർത്തുമെന്നാണ് വിലയിരുത്തപ്പെടുന്നത്.
പേപ്പർ നോട്ടുകൾ റിസർവ് ബാങ്ക് പിൻവലിക്കുന്നുണ്ടോ? പ്ലാസ്റ്റിക് കറൻസിക്ക് പിന്നിലെ സത്യാവസ്ഥ അറിയാം
