കോൺഗ്രസ് നേതാവ് പവൻ ഖേരയുടെ ഡൽഹിയിലെ വസതിയിൽ അസം പൊലീസ് എത്തിയെങ്കിലും നടപടിയൊന്നും എടുക്കാതെ മടങ്ങി. പാസ്പോർട്ടുമായി ബന്ധപ്പെട്ട ഒരു കേസിലെ എഫ്.ഐ.ആർ പ്രകാരമാണ് പൊലീസ് എത്തിയതെന്നാണ് സൂചന.
മഞ്ഞുരുകാത്ത ധീരത: സിയാച്ചിൻ ദിനത്തിന്റെ പ്രാധാന്യം
എന്നാൽ, പൊലീസിനെ കണ്ട ഖേര താൻ എവിടെയും പോകില്ലെന്നും അന്വേഷണവുമായി സഹകരിക്കാൻ തയ്യാറാണെന്നും അറിയിച്ചു. ഡൽഹി പൊലീസിന്റെ സാന്നിധ്യത്തിലാണ് അസം പൊലീസ് ഖേരയുടെ വസതിയിൽ പരിശോധന നടത്തിയത്. എന്നാൽ ഖേരയുടെ ഭാഗത്തുനിന്നുള്ള വിശദീകരണം കേട്ട ശേഷം കൂടുതൽ നടപടികളിലേക്ക് കടക്കാതെ പൊലീസ് സംഘം അവിടെനിന്നും മടങ്ങുകയായിരുന്നു.
മുൻപും പ്രധാനമന്ത്രിക്കെതിരെയുള്ള പരാമർശങ്ങളുടെ പേരിൽ അസം പൊലീസ് പവൻ ഖേരയെ വിമാനത്താവളത്തിൽ വെച്ച് കസ്റ്റഡിയിൽ എടുത്തിട്ടുള്ളത് വലിയ രാഷ്ട്രീയ വിവാദങ്ങൾക്ക് വഴിവെച്ചിരുന്നു. ഇത്തവണയും സമാനമായ നീക്കമാണോ നടന്നതെന്ന് കോൺഗ്രസ് നേതൃത്വം ഉറ്റുനോക്കുന്നുണ്ട്. കൂടുതൽ വിവരങ്ങൾ പൊലീസ് പുറത്തുവിട്ടിട്ടില്ല.
വിയറ്റ്നാം പ്രസിഡന്റായി തിരഞ്ഞെടുക്കപ്പെട്ട ടോ ലാമിനെ അഭിനന്ദിച്ച് പ്രധാനമന്ത്രി നരേന്ദ്ര മോദി; ഉഭയകക്ഷി ബന്ധം ശക്തമാക്കാൻ തീരുമാനം